Pơ ala kơ ƀing khua mua ping gah, Kơnuk kơna, Khua dêh čar hơmâo mơ-it hiăp pơpŭ kơ abih bang ƀing nai pơtô hrăm hră, ƀing ană amôn čơđai sang hră ƀơi sang hră gưl dua Nguyễn Đình Chiểu lăi pha laih anun abih bang ƀing nai pơtô hrăm hră, ƀing čơđai sang hră amăng đơ đam dêh čar ta hnun mơ̆n, hăng tơlơi tơña bla tong ten laih anun pơpŭ bơni hiam hloh.

Bơni hơ-ơč thun hrăm phrâo 2024-2025 kơ abih bang ƀing nai neh pơtô hrăm hră, ƀing ană amôn čơđai sang hră hơmâo lu tơlơi mơak mơai, tŭ mă lu boh tơhnal hrăm hră tŭ yua klă hloh, ba glăi  puang hrăm hră thâo amăng thun hrăm phrâo, hloh kơ thun hrăm laih rơgao. Khua dêh čar pơpŭ bơni kơ khua mua, nai pơtô amăng sang hră gưl dua Nguyễn Đình Chiểu, hăng abih bang čơđai sang hră, amĭ ama čơđai sang hră, biă mă ñu ƀing čơđai hrăm thâo rơgơi, ba gru hlâo, ƀing găn rơgao lu tơlơi tơnap tap samơ̆ dưi tŭ mă boh tơhnal hrăm hră lăp pơ-ư ang, ƀu pơdơi ôh ngă pơ-ư ang kơ sang hră djă anăn mơnuih rơgơi kơhnâo đưm adih Nguyễn Đình Chiểu.