VOV4.Jarai - Tlam lơ 14/10, ƀơi Ƀirô Khua pơ ala mơnuih ƀon sang dêh čar pơphun jơnum Ping gah grup Khua pơ ala mơnuih ƀon sang dêh čar hăng Khul apăn bruă Ping gah kơnuk kơna kơ bruă prap lui jơnum lok 4, Khua pơ ala mơnuih ƀon sang dêh čar tal 15. Khua dêh čar ơi Phạm Minh Chính, Khua pơ ala mơnuih ƀon sang dêh čar ơi Vương Đình Huệ nao jơnum hăng git gai mông jơnum.

Khua dêh čar, Khua git gai pơ ala mơnuih ƀon sang dêh čar nao jơnum hrŏm

Tui hăng Khua čih pioh Ƀirô Khua pơ ala mơnuih ƀon sang dêh čar, Khua anom bruă Ƀirô Khua pơ ala mơnuih ƀon sang dêh čar ơi Bùi Văn Cường, jơnum ania, Khua mua amra mă bruă amăng 21 hrơi, rơngiao hơdôm črăn tơlơi phiăn amra pơgôp hiăp hăng tŭ yap ngă tui ăt dŏ lu bruă ngă bơngŏt amăng mơnuih mơnam hơmâo mơnuih ƀon sang đing nao, amra hơmâo khua mua rơkâo lăi glăi rơđah amăng mông jơnum bơkơtuai kơ hră lăi pơthâo bruă bơwih ƀong huă-mơnuih mơnam, ngăn drăp kơnuk kơna ƀudah hơdôm mông tơña hăng lăi glăi.

Đĭ pơhiăp amăng mông jơnum, Khua dêh čar ơi Phạm Minh Chính lăng yôm bruă prap lui jơnum lok 4, bruă gum hrŏm prap lui jơnum lok 4 hơmâo pơphun khut khăt, djơ̆ hăng tơlơi pơkă. Dua bơnah hơmâo gum hrŏm kjăp, tŭ yua, hơdôm črăn tơlơi phăn ba tơbiă pơgôp hiăp hơmâo pơčrông sat tong ten. Hơdôm jơnum min amăng Ƀirô Khua pơ ala mơnuih ƀon sang dêh čar hăng ding jum, gơnong bruă hơmâo gum hrŏm, gir kơtir pơjing, mơ-it hră pơ-ar ngă tui ƀiă hrơi mông hăng klă hloh.

VOV/Siu Đoan: Pơblang