Tui hăng tơlơi lăi pơthâo mơ̆ng Ding jum bruă hmua hăng Ayuh hyiăng, hrơi blan rơgao, hơdôm boh tơring ter hang ia rơsĭ hơmâo pok pơhai lu hơdră, ba glăi boh tŭ yua: mrô ƀatô ƀu hơmâo djŏp hră pơ-ar jing nao rai aset laih, 80% boh ƀat tô mă akan amăng dêh čar ta hơmâo dưm pơmut laih căn cước công dân mơ̆ng pô ƀatô amăng glông măi djă pioh.

Khua dêh čar kiăng hơdôm ding jum, anom bruă pơkơdong glăi bruă mă akan IUU, lăi pơthâo glăi bruă mă rim rơwang hrơi tơjuh. Ding jum bruă hmua hăng Ayuh hyiăng khŏm pơkra hơdră wai pơgang, ƀu brơi ƀat tô song nan mă akan tơbiă đuăi mơ̆ng tơdrun ia rơsĭ tơdah aka ƀu pơtruh hăng măi krăp lăng VMS. Ding jum ling tơhan hyu tir na nao, pơgăn ƀat tô mă akan ngă soh, nao pơ ia rơsĭ čar arăng, pơkra glông măi krăp lăng hlâo kơ 30/10/2025.