Khua dêh čar kiăng pơtrut tañ bruă pơkra jơlan akŏ phun
Thứ sáu, 10:42, 06/03/2026
VOV/Siu H'Mai pơblang
VOV/Siu H'Mai pơblang
VOV.Jarai - Mơguah lơ 5/3. Ƀơi sang bruă Kơnuk kơna, Khua dêh čar ơi Phạm Minh Chính git gai Jơnum tal 24 mơ̆ng Khul git gai Kơnuk kơna hơdôm ring bruă, kơčăo bruă akŏ phun dêh čar, ring bruă akŏ phun pơkra jơlan.
Ƀơi mông jơnum, Khua dêh čar brơi thâo, mơ̆ng hơdôm hrơi akŏ thun 2026, hơmâo nao sem lăng lu anih pơkra jơlan, pơtrut pơsur ƀing khua, kông ñơn, mơnuih mă bruă glăk dŏ ngă bruă.
Lăi pơtŏng abih anom bruă kơđi čar glăk pơƀut pok pơhai Tơlơi pơtrun Jơnum Ping gah dêh čar tal 14 hăng hơdôm bruă đĭ kyar bơwih ƀong huă - mơnuih mơnam thun 2026, Khua dêh čar kiăng ngă rơđah tơlơi pơkă “6 rơđah”: rơđah pô, rơđah bruă, rơđah tơlơi gơgrong ngă, rơđah hrơi pơkă, rơđah gơnam yua, rơđah boh than ba glăi; mơ̆ng anun pơtrut ngă tañ hơdôm bruă akŏ phun kah hăng Tuyên Quang - Hà Giang, Hữu Nghị - Chi Lăng, Đồng Đăng - Trà Lĩnh, Cao Lãnh - An Hữu, Khánh Hòa - Buôn Ma Thuột, Jơlan pơdar guai ƀôn prong Hồ Chí Minh hăng Châu Đốc - Cần Thơ - Sóc Trăng.
Viết bình luận