Tlam lơ 12/1, Khua dêh čar ơi Phạm Minh Chính, Khua khul git gai mơ̆ng dêh čar pơčrâo bruă čih pioh mrô rơnoh jŭ yap dêh čar, hơmâo git gai jơnum lok Sa Khul khua mua pơčrâo bruă, ƀơi sang bruă kơnuk kơna dêh čar laih anun pơƀuh ƀô̆ mơta lăng nao rai amăng tivi hăng khua mua mơ̆ng 34 boh tơring čar, ƀôn prong amăng ƀôn prong đơ đam dêh čar.

Tui hăng tơlơi lăi pơthâo ƀơi mông jơnum, bruă pok pơhai jŭ yap mrô rơnoh čih pioh  đơ đam dêh čar wai lăng anăn mơnuih ƀôn sang, anih dŏ, plơi pla hơmâo ba glăi anŏ tŭ yua sit nik, hăng 107 mơta tơlơi pơhing mơnuih ƀôn sang dưi wai lăng amăng kơnuk kơna hăng 50 mơta anŏ gêh găl pơdah thâo amăng anăn čih lơ̆m điện tử VNeID, djru hrŏm ngă hrŏ hĭ mơ̆ng 30-50 % rơnoh prăk apah pơplai kơ bruă mă lơ̆m mơnuih ƀôn sang hăng ƀing ngă bruă mơdrô nao ngă hră pơar amăng sang bruă kơnuk kơna. Truh ră anai, 3.289 amăng mro 3.321 boh să, phường hơmâo pơmut laih mrô rơnoh čih pioh ƀơi dêh čar wai lăng gah lŏn mơnai. Pơhiăp git gai mông jơnum, Khua dêh čar lăi pơtong, mrô rơnoh čih pioh jing atur pioh pơđĭ kyar bruă wai lăng hăng boh thâo ia rơgơi, yua kơ anun abih bang djop ding jum, anom bruă, tơring čar amăng dêh čar khom ngă giong tañ, akŏ pơjing, pơkĕ hrŏm tŭ yua jŭ yap mrô rơnoh amăng dêh čar.

Khua dêh čar lăi pơtong, pơgang hơđong mrô rơnoh khom jing sa bruă mă yom hloh pơgang mrô rơnoh jŭ yap ƀơi dêh čar, djuai ania hăng rơbêh 100 klăk čô mơnuih ƀôn sang dêh čar.