Mơguah lơ 20/10, tơdơi kơ Khua git gai pơ ala mơnuih ƀôn sang dêh čar ơi Vương Đình Huệ pôr pơthâo pơphun jơnum lok 4, khua mua pơ ala mơnuih ƀôn sang dêh čar tal 15 sit nik laih, Khua dêh čar ơi Phạm Minh Chính hơmâo pơđok hră lăi pơthâo boh tơhnal ngă tui pơđĭ kyar bơwih ƀong huă mơnuih mơnam thun 2022; him lăng ngă tui akŏ bruă bơwih ƀong huă mơnuih mơnam thun 2023. Kơ bruă mă, hơdră pơsir phun hơdôm blan rơnuč thun 2022, Khua dêh čar rơkâo djop gưl anom bruă, djop tơring čar ăt ngă tui sa amăng plĕ, tŭ yua bruă pơtrun ngă, hơdră pơsir amăng djop bruă.

Khua dêh čar ơi Phạm Minh Chính lăi pơthâo ƀơi anăp khua mua pơ ala

mơnuih ƀôn sang jơnum lok 4

Đing nao kơ bruă pơhlôm, pơgang klin Covid 19, ƀu lui klin ƀă glăi pơrơkua nao rai; tañ pơsir hĭ anŏ kơƀah ia jrao, gơnam yua mă bruă gah ia jrao. Akŏ bruă pơđĭ kyar mơnuih mơnam thun 2023 khua dêh čar ta lăi, ăt gleng nao kơ bruă ngă hơđong tơlơi bơwih ƀong huă amăng dêh čar, khom pơgăn prăk trun nua, pơtrut hnong pơđĭ kyar, pơhlôm hơđong bơkơnar tơlơi bơwih ƀong huă. Khom pel ĕp truh kih klin kheng. Pơtrut dăp glăi pơđĭ tui tơlơi thâo pran kơtang, hrưn đĭ ngă pô, tơlơi dưi gơgrong hăng juăt hĭ atur tơlơi bơwih ƀong huă; pơkjăp glăi, pơđĭ kyar pran kơtang phrâo pơđĭ bơwih ƀong huă.