Khua dêh bơni kơ Ding jum ling tơhan hơmâo ngă giong bruă mă hiam klă thun 2025, pơđĭ kyar bruă tuh tia pơkra ming gơnam yua gah ling tơhan, blơi prăp boh phao kơtuang, boh pơtuh, gơnam yua ia rơgơi phrâo kơ ƀing ling tơhan tui rơnuk anai.

Thun blan pơ anăp, Khua dêh čar pơtrun hiăp kơ Ding jum ling tơhan ăt khom pơtô lăi tong ten pơkơjăp tui bruă ngă tơpă, tŭ yua kah hăng tơlơi git gai mơ̆ng Ping gah, bruă phun lĕ ngă klă 2 mơta bruă tong ten hloh, 2 mơta pơtrut kơtang, 2 mơta tơlơi khom pơgăn, 5 mơta tơlơi hơđong, prăp lui pơblih bruă mă pơčeh phrâo, kơsem min, pơkra ming rai boh pơtuh, phao kơtuang ia rơgơi rơnuk anai, ngă tui tŭ yua tơhnal pơkă thun 2026. Abih bang amăng ling tơhan pơtum ngă bruă akŏ pơdong khul ling tơhan hơkrŭ, lăp djơ̆, beč bal, thâo rơgơi; pok pơhai hơdôm anăp ngă bruă ngă khua pô, gir run mă pô, kiăng ngă tui bruă jao tuh tia pơkra ming gah ling tơhan, bruă djru tui klôn čem rông tơhan hăng pơdjop gơnam yua mă bruă.