Jơnum yua kơ Kơnuk kơna Hàn Quốc gum hrom hăng Khul ia jrao rŏng lŏn tơnah (WHO) pơphun kiăng lăi pơthâo hơdôm tơlơi pơmin, hơdôm jơlan gah hăng hơdră phrâo amăng bruă măi mok pơkra vaccine hăng bruă ia jrao.

Khua dêh čar ơi Phạm Minh Chính pơhiăp amăng mông jơnum

Amăng tơlơi pơhiăp mơng pô, Khua dêh čar ta ơi Phạm Minh Chính pơsit, klin Covid-19 hmâo hăng gluh đĭ hmâo bơbeč truh kơtang laih, abih bang pơ̆ djop dêh čar. Amăng bruă kơdŏng glăi klin phrâo rơgao, ƀing ta jai ƀuh rơđah hloh tơhnal yôm phăn mơng vaccine. Việt Nam hmâo pơphun laih hơdôm jơlan gah pơgang, pơgăn klin, amăng anun Việt Nam hmâo pok pơhai truh kih bruă pơtom hiăp vaccine hăng bruă tlâ̆o pơgang brơi đôč prong hloh mơng hlâo truh kơ ră anai. Khua dêh čar pơsit, Việt Nam lĕ ding kơna klă, hmâo bruă gơgrong hăng jar kơmar, Việt Nam pơkôl gum hrom kơjăp, ba glăi bôh tơhnal amăng kơsem min, pơkra, pơtô glăi hơdră phrâo, djru ngă hơđong pơlir hơbit nao rai vaccine hăng hơdôm gơnam gah ia jrao amăng đơ đam rŏng lŏn tơnah./.