Nao pơ alum pran jua ƀing kông ñơn, mơnuih mă bruă ƀơi kông ti TNHH Huyndai Kefico gah Grup Huyndai Hàn Quốc, Khua dêh čar Phạm Minh Chính pơpŭ bơni hơdôm tơlơi pơgôp mơng ƀing kông ñơn, mơnuih mă bruă đơ đam dêh čar amăng hơdôm tơlơi dưi hrŏm kơ dêh čar. Laih dong lăi rơđah, thun 2023, Hải Dương hơmâo ngă pơgiong hơnong pơkă ba tơbiă, amăng tơlơi dưi hrŏm anun hơmâo tơlơi gum pơgôp mơng ƀing apăn bruă, kông ñơn amăng hơdôm anom bơwih ƀong sĭ mơdrô amăng Hải Dương lăi hrŏm hăng kông ti Kefico hnun mơn, Khua dêh čar hok mơ-ak lơm kông ti Kefico hơmâo đing nao tơlơi hơdip kơ kông ñơn hăng čang rơmang kông ti hrŏm hăng hơdôm anom bơwih ƀong sĭ mơdrô gir run dong amăng bruă djru brơi mơnuih mơnam, mă bruă djơ̆ tơlơi phiăn.

Khua dêh čar rơkâo, Ping gah, gong gai, Jơnum min djop djuai ania mơnuih mơnam, djop khul grup kơđi čar amăng tơring čar Hải Dương tŏ tui ngă klă bruă djru mơnuih mơnam, wai pơgang jum dar, hrưn đĭ tơlơi hơdip mơda kơ mơnuih ƀôn sang, lăng pơđĭ kyar gru grua bơkơnar pơđĭ kyar bơwih ƀong-mơnuih mơnam.