Giăm 9 thun hlâo adih, Sang ia jrao Chợ Rẫy - Phnôm Pênh - ring bruă ngă hrŏm blung a amăng bruă ia jrao kơplah wah dua boh dêh čar sit nik pok. Hăng ƀing mơnuih rơgơi kơhnâo tui hơnong pơkă phrâo, sang ia jrao hơmâo pơgôp lăp djơ̆ hăng bruă khăm, pơjrao brơi mơnuih ƀon sang Kur lăi hrŏm hăng mơnuih ƀon sang plơi prong jưh jom Phnôm Pênh hnun mơn.

Amăng mông mă bruă hăng khua mua sang ia jrao, Khua dêh čar tŭ yap hăng pơpŭ hơdôm tơlơi gir run mơng anom bruă tuh pơ alin, ƀing nai ia jrao, ơi ia jrao, ƀing mơnuih mă bruă gah ia jrao mơng Việt Nam hăng Kur ƀơi Sang ia jrao Chợ Rẫy- Phnôm Pênh; čang rơmang, hơdôm anom bruă tuh pơ alin, ƀing nai ia jrao, ơi ia jrao, mơnuih mă bruă gah ia jrao Việt Nam ƀơi sang ia jrao Chợ Rẫy - Phnôm Pênh tŏ tui hruă kjăp tơlơi yôm kơđi čar mơng anih mă bruă anai; gir run ƀiă dong kiăng pơgiong bruă jao anun lĕ bơwih brơi tơlơi suaih pral kơ mơnuih ƀon sang Kur.