Lăi pơthâo hăng Khua dêh čar Phạm Minh Chính laih dong grup hyu mă bruă glăk nao čuă, pel ĕp ƀơi graih rơdêh treng Ga Hà Nội, Khua kông ti rơdêh treng Việt Nam Hoàng Gia Khánh brơi thâo, thun 2023, gơnong bruă rơdêh treng Việt Nam lăi hrŏm hăng kông ti rơdêh treng hnun mơn hơmâo găn rơgao tơnap tap, gun găn, ba glăi lu tơlơi dưi yôm phăn. Pơhrui glăi mơng kông ti truh pơ 101,7% tui mrô pơkă, pơhrui glăi tơdơi kơ duh jia 115% tui mrô pơkă, pơhlôm hơđong amăng jơlan rơdêh treng hrŏ trun amăng 03 hơnong pơkă.

Khua dêh čar Phạm Minh Chính pel ĕp sit nik ƀơi Ga Hà Nội, hok mơ-ak lơm ƀing tuai lăng gơnong bruă rơdêh treng Việt Nam glăk pơplih tui, amra ba glăi boh thun prong ƀiă dong. Kơ jơlan gah pơđĭ kyar jơlan rơdêh treng Việt Nam, kiăng đing nao pơđĭ kyar tui tơlơi pơplih phrâo; tañ pok pơhai tŭ yua hơdôm hơdră pơđĭ kyar, akŏ bruă bơwih ƀong sĭ mơdrô hăng tuh pơ alin pơđĭ kyar rơwang thun 2021-2025 hơmâo tŭ yap.