Đĭ pơhiăp amăng mông ngă lơphet pioh hơdor, Khua dêh čar ơi Phạm Minh Chính ol kơdol lơm nao ngă lơphet hơdor glăi 120 thun hrơi tơkeng ơi Phạm Văn Đồng-Mơnuih Cộng sản akĕ phĭ ngă bruă, mơnuih kiăo tui hrăm rơgơi, mơnuih djru bruă jê̆ giăm hăng khua mir sir Hồ Chí Minh hing ang-Ñu hơmâo mơnuih amăng jar kmar pơpŭ hăng bruă wai lăng rơgơi djop mơta, mơnuih pơtom hiăp kjăp pran.

Khua dêh čar pơsit tong, ơi Phạm Văn Đồng lĕ sa čô mơnuih ba gru hiam amăng bruă ngă hơkrŭ: Akĕ phĭ tui Ping gah, hăng lŏn ia, abih pran hăng mơnuih ƀôn sang; thâo pơmĭn khin ngă, khin glăm ba; hơdip ba gru hiam klă; lêng kơdong glăi hơdôm bruă ngă soh, bưp ƀong kông ngăn, yua gơnam khưi khai; lêng lăng tơlơi dưi lŏn ia, mơnuih ƀôn sang prong hloh. Khua dêh čar pơsit tong tơlơi gir run tŏ tui hăng ngă tui hơdôm tơlơi yôm mơng ơi Phạm Văn Đồng pioh glăi brơi rơnuk ră anai hăng kơñ pơgi, brơi kơ bruă pơjing lŏn ia Việt Nam prong kơtang, pơdrong sah, hiam klă, yâo mơ-ak, kjăp yak nao jơlan Chủ nghĩa xã hội.