Đĭ pơhiăp amăng mông ngă lơphet, Khua dêh čar ơi Phạm Minh Chính pơsit tong anai lĕ bruă yôm phăn pơdah tơlơi yak nao yôm phăn, bruă pơđĭ kyar ană mơnuih, pran khăp pap mơ̆ Ping gah, kơnuk kơna hăng abih bang mơnuih brơi kơ mơnuih djuai ania ƀiă hăng kual čư̆ siăng.

Kiăng hơdôm akŏ bruă anai tañ pơgiong, dưi mă yua hăng tŏ tui ba glăi boh tŭ yua, khua dêh čar jao Khua ding jum djuai ania hăng tơlơi đăo, Khua ding jum pơtô pơjuăt, ƀing khua ding jum, anom bruă bơdjơ̆ nao, sit biă ñu lĕ ƀing khua git gai Ping gah, khua apăn akŏ djop ƀon lan đing nao git gai, črâo ba, hmao tlôn pơsir hĭ tơnap tap, gun găn, djru brơi hơdôm anom bruă man pơdong, črâo brơi, kiăo tui lăng lơm pok pơhai hơdôm akŏ bruă hăng pran jua gir run prong hloh.