Pơhiăp amăng mông jơnum, Khua dêh čar ơi Phạm Minh Chính brơi thâo, kiăng kơčăo bruă anai tañ ngă giong hăng mă yua djơ̆ tơlơi gơgrong ba pơtrut kơtang hloh pơđĭ kyar brơi ƀôn prong Cần Thơ, Khua dêh čar rơkâo: Ping gah hăng gong gai kơnuk kơna djop gưl amăng ƀôn prong Cần Thơ kiăng thâo hluh djop tơlơi glăm ba mơ̆ng Ping gah, kơnuk kơna hăng mơnuih ƀôn sang ngă gêh găl kơ sang bruă čuk pơkra hăng tuh pơ alin lăi pơthâo mă bruă;

Gleng nao git gai, pơčrâo ba ngă tui klă amuñ hloh tuh pơ alin sĭ mơdrô, ngă pơ amuñ brơi, pơsir tañ djop hră pơar ngă bruă ăt kah hăng pơsir tơlơi tơnap tap mơ̆ng ƀing tuh pơ alin hăng sang bruă mơdrô mă bruă; lăi pơthâo hmar kơ sang bruă hơmâo tơlơi dưi pơsir mơtam tơdah hơmâo tơlơi hơgĕt thơ; pơtum ngă bruă gleng nao ngă hơđong tơlơi hơdip mơda, anih dŏ, pơsir bruă mă hăng ngă gêh găl kơ mơnuih ƀôn sang djơ̆ anih čuk jơlan hơmâo anih dŏ phrâo mơak, jao glăi ala lŏn čuk pơdăo pơkra jơlan djơ̆ hnong pơkă.