Amăng mông bơkơtuai, ƀing khua pơ ala đing nao bơkơtuai kơ mă yua bôh thâo pơčeh (AI) amăng bruă ngă đang hmua hơdeč hmar hăng gum hrŏm hăng Anom C4IR (Anom hơkrŭ bruă măi 4.0 blung a mơ̆ng Việt Nam), lăi pơthâo tơlơi găn rơgao pơdŏng hăng pơđĭ kyar gum hrŏm anom prăk kak mơ̆ng bơnah gum hrŏm dêh čar tač rơngiao, tơhnal gal gum hrŏm pơđĭ kyar hrŏm hăng Anom prăk kak jar kơmar ƀôn prong Hồ Chí Minh.

Pơhiăp amăng mông bơkơtuai, Khua dêh čar ơi Phạm Minh Chính lăi lĕ phrâo rơgao, bruă Anom hơkrŭ măi mok tal 4 ƀơi ƀôn prong Hồ Chí Minh dưi pơdŏng lĕ lăp djơ̆ hăng hơdră pơtrun hăng djru klă pok pơhai Tơlơi pơtrun pơsit 57 mơ̆ng Ding jum kơđi car kơ pơđĭ kyar pơplih phrâo bôh thâo măi mok, pơplih phrâo pơčeh phrâo, pơplih mrô. Khua dêh čar rơkâo ƀing khua pơ ala, ƀing tuh pơplai ƀơi rŏng lŏn tơnah gum pơhiăp dong pioh pơtlaih hơdră pơkă hăng hơdră iâo pơhrui ngăn rơnoh pioh pơđĭ kyar phrâo bôh thâo măi mok, pơplih pơčeh phrâo, pơplih mrô./.