Amăng mông jơnum, pơ ala kơ Gong gai dêh čar, Khua dêh čar ta ơi Phạm Minh Chính bơni prong, hơ-ư̆č hmưi khul pơgang pơgăn ƀing ngă soh gah hot jrao hmâo run pơgăn truh kih 3 kơđi tơlơi 322D, 822T, 922T hăng hơdôm bôh tơhnal yôm phăn dưi ngă amăng hơdôm hrơi rơgao; djru pơgang rơnuk rơnua, hơđong, pơhlôm mơnuih mơnam, djru hmâo bôh tơhnal bruă pơđĭ kyar bơwih ƀong, bôh thâo, mơnuih mơnam.

Pơ̆ anăp anai, Khua dêh čar rơkâo, thâo kơjăp tơlơi pơplih, ngă klă dong bruă pơphô hăng gưl ping gah, gong gai hơdôm gưl kơtưn git gai, črâo ba ngă tui ba glăi bôh tơhnal hơdôm tơlơi črâo ba, tơlơi pơtrun pơsit mơng Ping gah, Khua pơ ala mơnuih ƀôn sang, Gong gai dêh čar; tơlơi phiăn, bruă mă, jơlan hơdră pơgang, pơgăn hot jrao; iâu pơhrui pran kơtang lu mơta mơng abih bang glông bruă kơđi čar hăng abih bang mơnuih ƀôn sang gum hrom bruă pơgang, pơgăn hot jrao./.