Amăng mông bưp Khua mir sir Philippines, Khua dêh čar pơsit, Việt Nam dong yua Philippines gơgrong ngă Khua ASEAN 2026 tŭ yua, hiam laih, djru ngă kjăp tui tơlơi gum pơgôp, laih anun tơlơi gơgrong bruă mơ̆ng ASEAN.

Tŭ jum Khua dêh čar Kur ơi Hun Manet, dua bơnah pơsit pơtrut tañ ƀiă kơčăo bruă “Hơdră ngă hrŏm bơwih ƀong phrâo kjăp hloh dua anih bơwih ƀong” truh pơ thun 2035, lăng nao pơ anăp truh thun 2050, laih dong sem lăng hơdră pơtruh jơlan rơdêh đuăi hmar ƀôn prong Hồ Chí Minh/Mộc Bài - Bavet/Phnom Penh. Ƀơi mông bưp Ơi pơtao Brunei, Khua dêh čar rơkâo kiăng dua boh dêh čar pok pơhai ngă tŭ yua Jơlan hơdră rô nao rai Ngă gŏp hlom bom abih bang bruă plah wah Việt Nam hăng Brunei rơwang thun 2023-2027, pơtrut ngă hrŏm bơwih ƀong, sĭ mơdrô.