Klah čun ƀơi mông jơnum, Khua dêh čar lăi pơtong, anŏ kiăng sang apah či dŏ ră anai lu biă mă, lơ̆m anun sang brơi apah,biă mă ñu sang apah kiăng dŏ sui thun hăng rơnoh prăk man ƀrô, dŏ kơƀah lu biă mă.

Hăng hơdôm tơring čar hơmâo anih tuh tia pơkra ming sa ƀut, anŏ kiăng hơmâo anih dŏ apah sui thun kiăng ngă bruă amăng ƀut tuh tia pơkra ming lĕ jai hrơi lu. Khua dêh čar pơtrun hiăp, bruă pơđĭ kyar sang dŏ, brơi apah ƀơi anih jĕ giăm ƀut tuh tia pơkra ming, anih bơwih ƀong huă, ter jơlan nao pơ anih mă bruă hăng plơi pla mơnuih ƀôn sang dŏ lu lĕ, khom pơtong rơđah, pơkă hnơ̆ng hlâo kơ man pơdong sang. Khua dêh čar ăt rơkâo, djop ding jum, anom bruă tañ čih pơkra tơlơi pơkă, djop tơring čar ăt sem lăng anih dŏ, lŏn mơnai, glai klô pơtong rođah kiăng ĕp lăng, hrăm tui amăng bruă čih pơkra tơlơi phiăn pơkă kơ apah sang dŏ.