Anai lĕ hơdôm ring bruă dong bruă man pơdong tal dua amăng tong krah blan 3 thun anai, him lăng pơgiong amăng blan 6/2027 tui tơlơi črâo trun mơng Ding jum kơđi čar. 3 boh sang hră kơnuk kơna čem rông ba dua gưl hơmâo man pơdong lơ 19/3/2026 ƀơi hơdôm boh să giăm guai Đắk Wil, Thuận Hạnh hăng Tuy Đức, hăng abih tih prăk tuh pơ alin giăm 678 klai prăk. Rĭm boh sang hră tuh pơ alin giăm 226 klai prăk, prong 30 anih hrăm mơng anih 1 truh anih 9, lăp djơ̆ tơlơi rơkâo anih hrăm hră, anih dŏ brơi rơbêh 1.000 čô čơđai hăng nai pơtô.

Kơ bruă pơhrui glăi lŏn mơnai, Jơnum min mơnuih ƀon sang tơring čar Lâm Đồng hơmâo mă bruă hăng anom bruă tuh pơ alin, Jơnum min mơnuih ƀon sang hơdôm boh să hăng hơdôm anom bruă bơdjơ̆ nao. Hơdôm boh ƀon lan ƀuăn pơgiong bruă pơhrui glăi lŏn mơnai hlâo lơ 30/6 pơ anăp kiăng pơhlôm djơ̆ hrơi mông pơkă man pơdong.