Ƀơi mông jơnum, pơ ala kơ khua mua ping gah, kơnuk kơna, Khua dêh čar ơi Lê Minh Hưng hơmâo jao miđai tơhan khin hơtai mơnuih ƀôn sang kơ khua mua, anom bruă tơhan kông an ƀôn prong Hải Phòng.

Bơni hăng pơpŭ kơ boh tơhnal ngă bruă mơ̆ng tơhan ƀôn prong Hải Phòng dưi ngă, ba glăi boh tơhnal tŭ yua yom amăng bruă mă, Khua dêh čar lăi rơđah, gru miđai apah bơni pơ anăn tơhan khin hơtai mơ̆ng mơnuih ƀôn sang lĕ ƀu kơnong sa tơlơi lăp pơ-ư ang hơjăn anom bruă tơhan kông an ƀôn prong Hải Phòng đôč ôh, dŏ jing tơlơi mơak lăp pơ-ư pơ-ang prong biă mă kơ Ping gah, gong gai kơnuk kơna, ling tơhan hăng mơnuih ƀôn sang ƀôn prong Hải Phòng. Khua dêh čar đăo kơnang hăng gru grua khin hơtai bruă kơđi čar kơjăp laih, pran jua pơblih phrâo, pơčeh amăng bruă mă hăng tơlơi gir run khut khăt kơtang, kông an ƀôn prong Hải Phòng amra ngă lu bruă ba glăi boh tơhnal tŭ yua hloh, djop bruă jao ngă giong hiam klă, lăp hăng anăn Tơhan khin hơtai mơ̆ng mơnuih ƀôn sang; yua kơ anŏ pơđĭ kyar pơdrong sah, thâo rơgơi, pơblih phrâo ƀôn prong Hải Phòng, kơ lŏn ia laih anun yua tơlơi mơak hlak kơ abih bang mơnuih ƀôn sang.