Pơhiăp hlâo ƀơi mông jơnum, Khua dêh čar ơi Lê Minh Hưng lăi rơđah, lŏn ia ta glăk mut amăng rơnuk hrưn đĭ kơtang biă mơ̆ng boh thâo ia rơgơi, tơlơi pơčeh phrâo hăng ba yua ia rơgơi mrô, pơsit anai jing tơlơi pơtrut akŏ phun đah mơ̆ng pơđĭ tui bruă mă, dưi pơhno kơtang hloh mơ̆ng tơlơi bơwih ƀong dêh čar ta, gum djru bruă bơwih ƀong dưi đĭ kyar 2 mrô.

Hră pơtrun 57 mơ̆ng Ding jum kơđi čar kơ pơplih kơtang boh thâo, ia rơgơi, pơčeh phrâo hăng ba yua ia rơgơi mrô dêh čar pơsit rơđah: Pơhlom tơlơi dưi ngă pô mơ̆ng dêh čar ƀơi plang internet; pơhlom rơnuk rơnua, hơđong tơlơi pơhing, hră pơ-ar mơ̆ng khul grup anom bruă hăng hơjăn pô jing bruă kiăng ngă na nao, ƀu dưi pơčlah ôh amăng thun blan đĭ kyar boh thâo ia rơgơi, pơčeh phrâo hăng ba yua ia rơgơi mrô dêh čar./.