Truh kơ mông anai, mrô rơnoh prăk hơmâo brơi nao či ngă bruă kơnuk kơna jao mơ̆ng tơring čar kơnong kơ hơmâo 30% akŏ bruă jao, aset hloh kơ rơnoh đơ đam čar ta. Tơring čar ră anai hơmâo rơbêh 100 kơčăo bruă kiăng pơsir brơi anŏ tơnap, amăng anun 50 kơčăo bruă gah Jơnum min mơnuih ƀôn sang tơring čar Quảng Ngãi pơsir brơi.

Ƀơi anăp kơ tơlơi anai, Khua mua tơring čar Quảng Ngãi rơkâo hơdôm gơnong bruă, anom bruă, khul wai lăng kơčăo bruă hăng Jơnum min hơdôm boh să phường sem lăng rim bruă mă, pơsit rơđah tơhnal ñu yua hơget ngă kaih, hmao kru pơsir hĭ ƀudah lăi pơthâo hơdôm tơlơi tơnap rơgao kơ gưl dưi pơsir bruă. Hơdôm anom bruă wai lăng kơčăo bruă khŏm kĭ hră hăng Jơnum min mơnuih ƀôn sang tơring čar Quảng Ngãi ngă giong bruă brơi nao abih tih prăk ngă bruă amăng thun anai./.