Jơnum anai, pơphun amăng dua hrơi lơ 7 hăng lơ 8/5 hơmâo khua mua pơprong djop dêh čar ding kơna amăng kual ASEAN laih anun Khua čih pioh kual ASEAN. Anai lĕ sa amăng dua tơlơi jơnum prong rim thun mơ̆ng kual ASEAN thun 2026, kiăng pơtong glăi rơđah tơlơi pơhing amăng rŏng lŏn tơnah, amăng kual hăng bơtŭ ư anăp či ngă bruă hrŏm kơñ pơgi.

Ƀơi mông jơnum, djop dêh čar amăng kual hơmâo pơčrong sai nao rai lu boh yom phun pơdjơ̆ nao bruă pơgang hơđong tơlơi rơnuk rơnua amăng kual, kơtưn ngă hrŏm bơwih ƀong huă, pơblih yua mrô hăng pơđĭ tui tơlơi gơgrong ba phun mơ̆ng kual ASEAN. Bruă khua dêh čar ta ơi Lê Minh Hưng nao jơnum hrŏm tal anai, kiăng pơtong rơđah ASEAN jing bruă đing nao mrô sa lĕ, jơlan hơdră pơtom hiăp yom hloh mơ̆ng Việt Nam, laih dơ̆ng pơthâo rơđah jơlan hơdră pơtom hiăp phara hơjăn, rơnuk rơnua, ngă khua pô, gum hrŏm lu hăng bơnah, lu mơta bruă kiăng ngă gơyut gơyâo mơak hăng jar kmar tui tơlơi pơtrun mơ̆ng ping gah dêh čar tal XIV.