Pơhiăp klah čun mông jơnum, Khua dêh čar ơi Lê Minh Hưng lăi rơđah, Jơnum ping gah dêh čar tal 14 pơsit “pơtrut kơtang bruă pơtom hiăp hăng mut hrŏm jar kmar jing bruă akŏ phun, hơmâo ngă re se”. Anai jing bruă pơplih tơlơi pơmin yom biă mơ̆ng Ping gah, brơi ƀuh tơlơi lăng yom hăng tơlơi gơgrong mơ̆ng bruă pơtom hiăp.

Kơ hơdôm bruă mă, hơdră ngă bruă akŏ phun pơ anăp, Khua dêh čar lăi kiăng akŏ pơjing Ping gah tơpă sit, kjăp kơtang; biă ñu lăng yom, ngă klă bruă akŏ pơjing Ping gah, pơgang ba bruă kơđi čar amăng lăm dêh čar, biă ñu lĕ hơdôm kual yom phun, hơmâo hơdră pơsir tañ, mơ̆ng ataih lơ̆m hơmâo bruă hơget thơ. Laih dong, Ding jum pơtom hiăp pơtrut mă yua ia rơgơi mrô nao hrŏm hăng pơkra pơjing mrô amăng abih bang bruă, ječ ameč pơdong anih wai lăng djŏp mơta hăng mrô, krăp lăng, wai lăng, pơtrut pơsur ngă bruă, ngă tui hơdô tơlơi kĭ pơkôl jar kmar, biă ñu lĕ tơlơi ƀuăn, tơlơi pơkôl tơdơi kơ tal nao čuă jơmư mơ̆ng Khua mua pơprong; laih dong pơƀut prăp lui hơdôm bruă mă mơ̆ng Khua mua pơprong pơ anăp dong./.