Mơguah tom brơi (21/9) ƀơi Ƀirô Kơnuk kơna, Khua dêh čar ơi Lê Minh Hưng git gai mông mă bruă hăng Ding jum pơtô pơjuăt hrŏm hăng djop Ding jum, gơnong bruă bơdjơ̆ nao, kiăng đing nao pơsir hĭ ječ bruă kơƀah hơdrôm hră brơi thun hrăm 2026-2027; pel ĕp jơlan hơdră, hơdrôm hră pơtô hrăm hăng prap lui krăo lăng bruă ngă tui tơlơi pơtrun mrô 71 kơnôl 22/8/2025 mơng Ding jum kơđi čar amăng pơplih pơđĭ kyar bruă pơtô pơjuăt. Khua dêh čar ơi Lê Minh Hưng lăi pơtong, thun hrăm 2026-2027 lĕ thun blung a đơ đam dêh čar mă yua hơdrôm hră hrŏm đơ đam dêh čar.

Mah khua mua Ping gah, Kơnuk kơna hơmâo git gai tañ hloh, samơ̆ mah yak nao thun hrăm phrâo giăm ha blan, sa, dua boh ƀon lan ăt dŏ ƀuh bruă kơƀah hơdrôm hră. Tui lăi pơthâo, mrô hơdrôm hră dŏ kơƀah ră anai giăm 776.000 sŏp (dưm dưm 0,31%), Khua dêh čar lăi pơtong, anai lĕ bruă ječ hơmâo mơnuih ƀôn sang đing nao biă mă, rơkâo ding jum pơtô pơjuăt gum hrŏm kjăp hăng djop ƀon lan, gơnong bruă pơtô pơjuăt pel ĕp glăi tong ten rĭm hơdrôm hră, tơlơi hrăm dŏ kơƀah kiăng kơ hơmâo hơdră pơsir hĭ khut khăt, kiăng pơhlôm brơi djop hơdrôm hră amăng hrơi mông tañ hloh.