Nao ngui hrŏm ƀing čơđai amăng jơlan hơdră ngui bơyan blan bơrơmi khăp pap ngă bơngač tơlơi hiam klă kơñ pơgi ƀơi Sang hră čơđai mua Trung Môn (anih pơdong phara mă anăn Kim Phú), kơ-iăng Khua dêh čar yă Phạm Thị Thanh Trà nao tơña bla, juh alum, ƀơk gơnam tam hăng mơ-it nao tơlơi pơpŭ hiam klă hloh kơ ƀing čơđai; ƀơk gơnam ƀơi Sang hră čơđai muai Trung Môn, anih pơdong phara anăn Kim Phú hơmâo 01 boh tivi djru brơi bruă pơtô hrăm, brơi čơđai lăng; grup ăt jao 30 boh măi komputơr brơi 6 boh să hơmâo: Đồng Yên, Tiên Yên, Liên Hiệp, Nhữ Khê, Phú Lương hăng Trường Sinh, pơgôp hơmâo djop gơnam yua, măi komputơr hăng pơplih mrô ƀơi ƀon lan.

Kơ-iăng Khua dêh čar yă Phạm Thị Thanh Trà rơkâo tơring čar Tuyên Quang tŏ tui đing nao ngă klă ƀiă, sit biă ñu anih pơtô hrăm kiăng djop sang hră dưi hrưn đĭ klă ƀiă dong; ƀing nai pơtô tŏ tui đing nao pơtô brơi klă kơ ƀing čơđai rĭm hrơi kiăng rĭm hrơi nao hrăm hră jing sa hrơi mơ-ak mơ-ai.