Amăng mông bưp, Khua dêh čar čang rơmang dua bơnah tŏ tui gum hrŏm kjăp phik amăng pok pơhai tŭ yua tơlơi pơsit hrŏm kơplah wah Khua git gai Ping gah, Khua mir sir, sit biă ñu lĕ tŏ tui gru grua hiam klă mơng bruă pơbưp nao rai khua mua pơprong, pơtrut kơtang ngă hrŏm sit nik amăng djop mơta bruă, gir run ngă truh kih hơdôm hơnong pơkă pơđĭ kyar mơng rĭm boh dêh čar.

Khua dêh čar rơkâo dêh čar Khač dong yua, ngă gêh gal kiăng Việt Nam mut hrŏm tŭ yua amăng hơdôm bruă dưi “Mut hrŏm sĭ mơdrô pơ anih pơprong-Ba gơnam sĭ pơ dêh čar Khač”, pok phư ƀiă hơdôm gơnam đang hmua, akan hơdang hăng hlô rông mơng Việt Nam; pơtrut ngă hrŏm yua boh thâo măi mok, pơtô pơjuăt; pơjing akŏ bruă tong ten kiăng pok pơhai thun ngă hrŏm tuai čuă ngui Việt Nam-Khač thun 2026-2027; kơtưn ngă hrŏm bruă ia jrao.