Ƀơi mông tŭ jum, Khua dêh čar ơi Lê Minh Hưng lăi pơtong, Ping gah, Kơnuk kơna hăng mơnuih ƀôn sang Việt Nam lăng yom biă mă, čang rơmang ƀu pơdơi ôh, pơbŭ tui hăng pơtrut tơlơi ngă giăng mah gru grua hiam plah wah Việt Nam hăng Triều Tiên pơđĭ kyar tŭ yua, sit nik.

Khua dêh čar rơkâo dua bơnah ngă hrŏm tong ten pok pơhai tŭ yua hloh hơdôm tơlơi thâo hluh tơdruă, bơtŭ ư hrŏm amăng tal čuă jơmư nao rai khua mua pơprong dua bơnah; djă pioh hơdôm tơlơi ngă hrŏm mơ̆ng dua bơnah ră anai, amăng anun hơmâo Jơnum min ngă hrŏm dua bơnah kơnuk kơna amăng bruă ngă hrŏm bơwih ƀong huă, kơsem min boh thâo ia rơgơi. Hrŏm hăng anun, dua bơnah kiăng pơtrut ngă hrŏm amăng bruă dua bơnah hơmâo tơlơi gêh găl kah hăng ngă hmua, gru grua hiam, pơrơguăt drơi jăn, tuai čuă ngui, pơtô hrăm hăng bruă ia jrao, mơ̆ng anun djru ngă kơjăp tui tơlơi giăng mah pok pơhư prong amăng thun blan pơ anăp adih.