Khua dêh čar ơi Lê Minh Hưng lăi pơtong Việt Nam lăng kơ bruă ngă giăng mah gru grua hăng bơnah ngă hrŏm hlom bom hăng Chile. Khua dêh čar rơkâo dua bơnah ăt pơtrut bruă pơblih khul khua mua djop gưl čuă jơmư nao rai, pok pơhai tŭ yua djop tơlơi pơtrun ngă hrŏm, kiăng ngă gêh găl brơi gơnam tam sĭ mơdrô dưi truh pơ anih anom sĭ mơdrô tơdruă; kơtưn amăng bruă ngă hrŏm gah prăk kăk-sang bruă prăk, boh thâo kơsem min ia rơgơi, bruă ling tơhan pơgang lơ̆n ia.

Laih dơ̆ng, pơtrut bruă ngă hrŏm gah pơdŭ pơgiăng, djru čem rông gah ling tơhan hăng ba gơnam djru tui klôn pơđĭ tui tơlơi gơgrong ba pơtruh nao rai ƀơi bah amăng mut tơbiă či kual Dơnung ngŏ ASIA hăng Mỹ Latinh. Khua ding jum, Francisco Pérez Mackenna ăt lăi, Chile lăng kơ Việt Nam jing bơnah ngă hrŏm yom mrô sa ƀơi kual Dơnung ngŏ ASIA, čang rơmang ngă hrŏm sĭ mơdrô, tuh pơ alin, bruă ngă hmua, ĕp mă kông ngăn gơnam amăng gŭ lơ̆n, pơblih yua mrô apui yua hăng kơsem min boh thâo ia rơgơi phrâo.