Ƀơi mông tŭ jum, Khua dêh čar pơsit, Việt Nam lăng yom tơlơi rô nao rai hăng Croatia laih anun bơni kơ hơdôm tơlơi đĭ kyar klă hiam amăng bruă ngă hrŏm dua bơnah thun blan rơgao. Kiăo tui hơdôm tơlơi gêh găl ngă hrŏm dŏ prong đôč, Khua dêh čar kiăng dua bơnah pơtrut kơtang hloh bruă ngă hrŏm bơwih ƀong, sĭ mơdrô hăng tuh pơ alin; gir hơmâo rơnoh sĭ mơdrô dua bơnah đĭ lu dua wơ̆t pơhmu hăng rơnoh 161 klăk USD glăk hơmâo.

Khua dêh čar ăt kiăng sem lăng akŏ pơdong Jơnum min tum pơƀut bruă ngă hrŏm bơwih ƀong đah mơ̆ng hơmâo jơlan ngă hrŏm hơđong, sui thun hăng tŭ yua. Việt Nam pơtrut pơsur anom bơwih ƀong dêh čar Croatia tuh pơ alin amăng hơdôm bruă gêh găl kơtang kah hăng tơdrun kom păn ia rơsĭ, logistic, apui lơtrik phrâo, čơkă tuai hyu ngui, boh thâo ia rơgơi, ba yua ia rơgơi mrô, laih anun bong glăi tơlơi pơplih ayuh hyiăng. Khua ding jum pơtom hiăp Gordan Grlíc Radman pơsit Croatia lăng yom biă tơlơi rô nao rai hăng Việt Nam laih anun amra ngă hrŏm pok pơhai tŭ yua hơdră ngă hrŏm dua bơnah, pơtruh anom bơwih ƀong hăng pok prong ngă hrŏm amăng lu bruă dua bơnah hơdai bơ đing nao./.