Ƀơi mông tŭ jum, dua čô khua hơ̆k mơak ƀuh tơlơi rô nao rai ƀơi dua bơnah ngă hrŏm yom hăng hlom bom Việt Nam-Japan yak nao thun tal 3 laih, ăt pơđĭ kyar kơtang, tŭ yua sit nik amăng djop bruă mă hăng tơlơi đăo kơnang nao rai kơđi čar tong ten.

Dêh čar Japan ăt jing bơnah ngă hrŏm bơwih ƀong huă prong mơ̆ng Việt Nam, dêh čar ngă hrŏm mrô 1 gah bruă ngă prăk ODA hăng pơblih  nao rai mơnuih mă bruă apah, jing dêh čar tuh pơ alin lu dong tal 2, lŏn ia sĭ mơdrô hăng ba tuai hyu ngui dong tal 4 mơ̆ng Việt Nam. Bruă ngă hrŏm djop tơring čar hăng tơlơi rô nao rai plah wah mơnuih ƀôn sang dua bơnah lĕ, jai hrơi tong ten hloh hơmâo rơbêh 100 krôp ngă hrŏm dua bơnah hăng tơring čar, plơi pla, amăng anun hơmâo tơlơi gơgrong ba khul mơnuih ƀôn sang 5000 čô djuai ania Việt Nam dŏ ƀơi tơring čar Yamanashi hăng 40 boh sang bruă mơdrô mơ̆ng tơring čar Yamanashi mă bruă ƀơi Việt Nam.