Amăng mông bưp, Khua dêh čar ta ơi Phạm Minh Chính pơtŏng sit pơđĭ kyar tơlơi rô nao rai hăng dêh čar Khač lĕ hơdră pơtrun hasa, tơpă, ruah mă bruă khom ngă hăng đing nao hlâo amăng hơdră bruă pơtom hiăp mơ̆ng Việt Nam. Gah jơlan gah gum hrŏm pơ̆ anăp anai, Khua dêh čar ơi Phạm Minh Chính rơkâo dua bơnah pok pơhai ba glăi bôh tơhnal dong tơlơi pơmin hrŏm kơplah wah Khua git gai dlông hloh dua Ping gah, dua bôh dêh car, djă pioh pơbưp gưl dlông hăng hơdôm gưl pioh lăi pơthâo kơ tơlơi rô nao rai dua bơnah hăng hơdôm tơlơi hơdai bơđing nao.

Hăng hơdôm tơlơi ba tơbiă kơ gum hrŏm mơ̆ng Việt Nam, Khua dêh čar ơi Lý Cường pơtŏng sit Ping gah, Gong gai Khač lăng tơlơi rô nao rai hăng Việt Nam jing jơlan đing nao hlâo amăng hơdră bruă pơtom hiăp iao gah; lăi rơđah Khač amra gum hrŏm Việt Nam djă pioh lăi pơthâo nao rai bruă mă, ngă dơlăm hloh dong gum hrŏm sit nik, ngă brơi bruă Gum hrŏm khom ngă abih bang, Khul lăi pơthâo pơgi kơdih anai Khač -–Việt Nam hmâo bôh tŭ yua bruă mă ƀu pơdơi ngă dơlăm, sit nik hloh./.