Ƀơi mông jơnum bơkơtuai, dua bơnah Khua dêh čar hơmâo pơčrong sai hăng tŭ ư tơhnal pơkă kiăng pơđĭ tui tơlơi ngă giăng mah rô nao rai dua bơnah hăng bruă mă phrâo amăng thun 2025, hăng hrơi blan tañ hloh hơmâo klâo mơta bruă đing nao kah hăng: pơtong rơđah anŏ đăo kơnang nao rai lu hloh amăng djop gưl bruă; mă tơlơi bơwih ƀong huă, sĭ mơdrô, tuh pơ alin ngă tơmeh phun, ngă gai trul pơtrut tui kơtang bruă ngă hrŏm pok prong tui lu bruă pơkŏn; laih anun ngă giong, pok pơhai tañ hloh djop bruă ngă hrŏm dua bơnah.

Ăt amăng tal nao čuă jơmư anai mơ̆n, Khua dêh čar ơi Phạm Minh Chính hơmâo nao mă tơngan hăng ơi pơtao dêh čar Qatar, tŭjum Khua git gai group tuh pơ alin hăng lăi pơthâo hăng jar kmar (JTA), laih anun tŭ jum Khua ding jum Bruă mă dêh čar Qatar.