Ƀơi mông bưp khua mua pơprong, dua bơnah hơmâo tŭ ư nao rai gir run hloh ba tơlơi ngă giăng mah dêh čar ieo gah hiam mơak, gơyut gơyâo gru grua, ngă hrom hlom bom, hơđong sui thun Việt Nam-Kur ăt kjăp tui, yua anŏ tŭ yua kơ mơnuih ƀôn sang dua bơnah. Khua git gai pơ ala mơnuih ƀôn sang dêh čar Kur, ơi Heng Samrin bơni kơ boh tơhnal bơkơtuai hlâo kơ anun kơplah wah dua čô khua dêh čar hăng bruă dua bơnah hơmâo kĭ 11 pok hră ngă hrom tal anai; lăng yôm bruă ngă hrom kơplah wah Kơnuk kơna Việt Nam hăng Kur amăng djop bruă boh nik ñu amăng bruă pơkă guai pong gong pơkă guai ƀơi lŏn hang.

Khua dêh čar ơi Phạm Minh Chính lăi pơtong, bruă pơbŭ tui hăng ƀu pơdơi ôh ngă kjăp tui giăng mah mơak klă, ngă hrom hlom bom Việt Nam-Kur jing bruă khom ngă kơ dua bơnah dêh čar. Khua dêh čar čang rơmang khua mua pơ ala mơnuih ƀôn sang dêh čar Kur, kơnuk kơna Kur ăt đing nao dong yua pơtrut bruă ngă hrom bơwih ƀong huă kơplah wah dua bơnah lăp hăng anŏ gêh găl dua bơnah dêh čar dưi hơmâo.