Pơ ala kơ kơnuk kơna dêh čar, ơi Phạm Minh Chính Khua dêh čar bơni hơ-ơč kơ grup đă boh lông đah kơmơi tal blung a dưi nao pơplông amăng anih pơplông prong hloh jar kmar pioh kơ đah kơmơi hăng pran jua pơplông hur har djă jă hla gru ao anăn dêh čar, pơsit pran jua, gum pơgôp, hrưn đĭ pơplông kơtang abih pran jua; laih dơ̆ng, hrăm tui, ƀu kơdŭn ôh hăng tơlơi tơnap tap amăng tal pơplông.

Pơhiăp amăng mông jơnum, Khua dêh čar lăi, tơlơi khăp hor kơ đă boh lông mơ̆ng djuai ania Việt Nam ta prong biă mă, jai hrơi ƀuh tơlơi khin hơtai, kjăp tơlơi pơmin, pran jua hăng hơdră pơplông. Khua dêh čar čang rơmang, amăng tal pơplông pơ anăp adih, hơdôm čô dra đă boh lông, jai kraih bưp tơlơi lông lăng prong, khom gum pơgôp ha pran jua, pơđĭ tui tơlơi mă bruă tơpă, kjăp, beč bal hloh tui tơlơi pơtô mơ̆ng nai ring ba, khua grup wai lăng đah đah kơmơi đă boh lông dêh čar, kiăng ba glăi boh tơhnal tŭ yua lăp bơni hloh kơñ pơgi ni anăp.