Amăng mông bưp, hăng pran jua kiăng khăp, đăo gơnang, hur har tơpă sit, Dua čô khua pơsit tong dua bơnah amra tŏ tui ngă pơgiong hăng ba “Tơlơi pơsit hrŏm Việt Nam - Khač tŏ tui pơtrut kơtang hăng dơlăm tui tơlơi rô nao rai ngă hrŏm djop mơta kơplah wah Việt Nam - Khač” tui tơlơi dưi mơng tal nao čuă dêh čar Khač laih rơgao mơng Khua git gai Ping gah dêh čar ơi Nguyễn Phú Trọng ba glăi boh than tong ten; tŭ ư pơbưp nao rai khua mua hăng djop gưl, kơtưn ngă hrŏm tŭ yua, sit nik, ba glăi tơlơi dưi amăng djop mơta bruă, ba glăi tơlơi dưi sit nik kơ mơnuih ƀon sang dua bơnah.

Khua dêh čar ơi Phạm Minh Chính rơkâo pơtrut sĭ mơdrô pơđĭ kyar bơkơnar, sit biă ñu tŏ tui pok amăng jang, ngă gêh gal kiăng gơnam đang hmua Việt Nam ba sĭ mơdrô pơ dêh čar Khač, sit biă ñu amăng bơyan čơkă thun phrâo glăk jê̆ giăm kiăng mơnuih ƀon sang dua bơnah dưi čơkă thun phrâo trơi pơđao, yâo mơ-ak.