Khua dêh čar ơi Phạm Minh Chính bưp Khua git gai Ping gah tơring čar Vân Nam-Khač
Thứ năm, 09:06, 07/11/2024
VOV/Siu Đoan Pơblang
VOV/Siu Đoan Pơblang
VOV4.Jarai-Amăng hơdôm hrơi nao Jơnum khua mua kơ bruă ngă hrŏm kual ia krông Mê Công pok prong tal 8 hăng mă bruă ƀơi dêh čar Khač, lơ 6/11, Khua dêh čar ơi Phạm Minh Chính hơmâo mông bưp ơi Vương Ninh-Khua git gai Ping gah tơring čar Vân Nam (Khač).
Khua dêh čar ơi Phạm Minh Chính lăi pơtong Vân Nam dong amăng kual yôm phăn amăng tơlơi rô nao rai kơplah wah Việt Nam-Khač. Việt Nam hăng Vân nam hơmâo lu tơlơi dưi, tơlơi gal kiăng pơđĭ kyar ngă hrŏm, hơmâo lu tơlơi dưi pơhrua nao rai, laih dong čang rơmang, tơlơi rơkâo mơng dua bơnah amăng bruă sĭ mơdrô, găn nao rai prong biă mă.
Khua dêh čar rơkâo Vân Nam ba jơlan hlâo amăng ngă tui tơlơi pơmĭn hrŏm mơng khua mua hăng hơdôm tơlơi pơsit hrŏm, kơtưn ngă hrŏm kjăp phik amăng bruă wai pơgang guai lŏn ia tui 3 tơlơi pơkă kơ guai lŏn ia hăng hơdôm tơlơi pơkôl bơdjơ̆ nao, gum hrŏm pơphun klă hơdôm bruă pioh hơdor glăi 25 thun kĭ tơlơi pơkôl giăm lŏn ia hăng 15 thun kĭ 3 tơlơi pơkă djơ̆ tơlơi phiă kơ guai lŏn ia amăng thun 2024.
Viết bình luận