Ƀơi mông bưp, Khua dêh čar ơi Phạm Minh Chính hok mơ-ak kơ hơdôm tơlơi pơplih yôm amăng tơlơi rô nao rai hrơi blan rơgao, biă ñu lĕ bruă dua boh dêh čar ngă hrŏm yôm amăng abih bang bruă yua kơ tơlơi rơnuk rơnua, ngă hrŏm hăng pơđĭ kyar kơjăp ƀrô hrơi rai čuă Việt Nam phrâo mơ̆ng Khua mir sir ơi Joe Biden. Khua dêh čar kiăng hrơi blan pơ anăp, dua bơnah ngă hrŏm kơjăp hloh, tañ ba tơlơi rô nao rai pơphun ngă sit nik, amăng anun gơñăm kơ bruă pơđĭ kyar bơwih ƀong huă - sĭ mơdrô, tuh pơ alin, boh thâo ia rơgơi, măi mok, pơgang ayuh hyiăng pơplih...

Khua dêh čar ăt čang rơmang Ƀirô khua pơ ala mơnuih ƀôn sang dêh čar Mi dong yua bruă dêh čar Mi tañ tŭ yap tơlơi phiăn bơwih ƀong sĭ mơdrô kơ Việt Nam. Hrŏm hrơi anun mơn, Khua dêh čar ơi Phạm Minh Chính tŭ jum Khua ding jum sĭ mơdrô dêh čar Mi; bưp Khua Jơnum min pơtom hiăp pơ ala mơnuih ƀôn sang gơnong dlông dêh čar Mi hăng ngă bruă tom CEO hơdôm anom bơwih ƀong, grup bơwih ƀong prong hloh mơng dêh čar Mi amăng bruă pơkra mơnŏng pơkĕ apui arăng iâu bán dẫn.