Ƀơi mông tŭ jum bơ ră ruai, Khua dêh čar ơi Phạm Minh Chính bơni kơ boh tơhnal ruah khua pơ ala mơnuih ƀôn sang să, phường tal V mơ̆ng dêh čar Kur blan 6 rơgao; đăo kơnang anun lĕ phun yak nao yôm pioh kơ dêh čar Kur tŭ mă boh tơhnal klă hiam amăng tal ruah khua pơ ala mơnuih ƀôn sang dêh čar thun 2023 hăng tŭ mă boh tơhnal prong hloh amăng bruă man pơdong lŏn ia Kur rơnuk rơnua, rơngai, mơnuih ƀôn sang ngă pô, kơdrưh kơ-ang.

Khua dêh čar rơkâo pơđĭ tui tơlơi gơgrong mơ̆ng sang bruă čih pơkra tơlơi phiăn pơtrut ngă hrom dua bơnah dêh čar

Khua dêh čar ơi Phạm Minh Chính hăng Khua git gai pơ ala mơnuih ƀôn sang gơnong dlông dêh čar Kur tŭ ư ngă hrom, pok pơhai tŭ yua tơlơi pơkôl pơkă hăng tơlơi phiăn ngă hrom pơgang dêh čar, rơnuk rơnua kơnang kơ boh tơhnal prong ngă bruă pơkă guai hăng hlă gong pơkă guai; gir run hloh pơtrut pơsir năng ai 16% bruă aka ngă giong hlă gong pơkă guai dŏ glăi laih anun čuk pơkra jơlan guai dêh čar rơnuk rơnua, giăng mah mơak ngă hrom pơđĭ kyar hơđong kjăp dua bơnah dêh čar.