Ƀơi mông bưp khua dêh čar Australia, dua bơnah tŭ ư kơtưn ngă hrŏm, pơblih brơi khul khua mua pơprong bưp nao rai, pok pơhai tŭ yua hloh Jơlan hơdră ngă hrŏm phun mơ̆ng dua bơnah, anăp nao sĭ mơdrô pơhrui glăi kiăng hơmâo 20 klai USD, pok pơhư prong bruă pơgang tơlơi rơnuk rơnua, pơblih yua mrô, boh thâo ia rơgơi phrâo hăng pơtô hrăm mơnuih mă bruă. 

Khua dêh čar Australia, ơi Anthony Albanese lăi pơtong, Việt Nam lĕ bơnah ngă hrŏm mrô sa mơ̆ng Australia ƀơi kual Ngŏ dơnung ASIA. Amăng mông bưp Kơ-iăng khua dêh čar Nga lĕ, dua bơnah tŭ ư pơtrut bruă ngă sĭ mơdrô kiăng bơkơnar, gum hrŏm man pơdong atur jơlan glông nao rai, wơ̆t jơlan rơdêh treng hăng tañ pơphun man pơdong sang măi apui lơtrik ayuh Ninh Thuận 1; laih anun pơsir hĭ tơlơi ngă gun bruă sĭ mơdrô, djru khul mơnuih ƀôn sang Việt Nam ƀơi dêh čar Nga hơđong hăng pơđĭ kyar.