Amăng mông bưp khua dêh čar Kur, dua bơnah hơmâo tŭ ư amra pok pơhai tŭ yua hơdôm tơlơi pơkôl hơmâo kĭ dua bơnah; pơtrut kơtang ngă hrŏm, pơlir bơwih ƀong, pơgôp kiăng djru tơdruă pơjing tơlơi bơwih ƀong hơđong, gơgrong mă pơlir hăng mut hrŏm jar kmar dơlăm tui, sit nik hăng tŭ yua. Amăng mông bưp Khua mir sir Philippines, dua čô khua pơsit tong tơlơi kiăng hloh amăng kơtưn rô nao rai ngă hrŏm Việt Nam hăng Philippines kiăng hmao tlôn bong glăi hơdôm anŏ pơplih ngă tơnap amăng rŏng lŏn tơnah hăng amăng kual hrơi blan laih rơgao.

Amăng mông bưp khua dêh čar Singapore ơi Lý Hiển Long, dua čô khua pơsit tong kơtưn pơbưp nao rai kiăng pel ĕp hăng pơčrông sai jơlan gah pơsir hĭ tơnap tap, gun găn hăng ngă gêh gal brơi kơ bruă ngă hrŏm amăng djop mơta bruă. Dua čô khua hơmâo pơlăi nao rai jơlan gah anăp nao hrưn đĭ tơlơi rô nao rai jing bơnah ngă hrŏm yôm phăn djop mơta amăng hrơi blan gêh gal hloh. Dua čô khua hơmâo lăi nao tơlơi kiăng đing nao, akŏ phun amăng pơđĭ kyar ngă hrŏm bơwih ƀong huă Việt Nam-Singapore.