VOV4.Jarai-Lơ 16/10, Khua dêh čar ơi Phạm Minh Chính hơmâo bưp Khua git gai, khua sang bruă prăk sĭ mơdrô. Khua dêh čar lăng yôm gơnong bruă prăk hăng hmar bong glăi hăng lu tơlơi lông lăng tơnap tap gah rơngiao wơ̆t amăng lăm dêh čar amăng thun blan rơgao, ngă tui klă, laih dơ̆ng 2 bruă pơtrun: pel ĕp rah rơnoh prăk trun nua, ngă hơđong tơlơi bơwih ƀong huă amăng lŏn ia; djru rơnoh prăk čan bơwih ƀong huă.

Mông jơnum abih bang bưp ƀô̆ mơta

Pơ anăp adih, Khua dêh čar rơkâo djop sang bruă prăk sĭ mơdrô ngă djơ̆ tơlơi phiăn, kơtưn tơlơi thâo wai lăng, git gai djă pioh hăng ba sĭ mơdrô prăk kăk dưi ngă bruă hruaih; pơtum boh tŭ yua prong, ba glăi boh tơhnal klă hiam, brơi čan prăk, pơhaih tơpă, rơđah rơđong; pơđĭ tui khul mă bruă, pơđĭ tui boh tŭ yua pơpha prăk čan; ăt pơtrut tơlơi gơgrong ba amăng bruă mơnuih mơnam, hur har ngă hrom lui rơmŏn kŏn rin, hơdor tơngia tla pran, ngă bruă yua kơ mơnuih ƀôn sang.

VOV/Nay Jek: Pơblang