Amăng mông bưp, Khua dêh čar ơi Phạm Minh Chính lăng yôm pran gơgrong mơng Kơ-iăng Khua dêh čar yă Men Xom-on amăng bruă pơtrut pơbưp pơlăi nao rai gru grua, mơnuih ƀon sang, pran gum pơgôp hăng giang mah hăng dêh čar ha guai kơplah wah dua Kơnuk kơna hăng mơnuih ƀon sang dua bơnah lơ̆m ñu glăk dŏ ngă khua. 

Laih dong rơkâo Kơ-iăng Khua dêh čar yă Men Xom-on tŏ tui djru brơi, đing nao, dong yua hăng ngă gêh gal brơi mơnuih ƀon sang, anom bơwih ƀong sĭ mơdrô Việt Nam hăng mơnuih ƀon sang Việt Nam dŏ hơdip, bơwih ƀong sĭ mơdrô hơđong hăng gêh gal ƀơi dêh čar Kur. Dua čô khua tŭ ư pơ anăp anai, kiăng kơtưn ngă hrŏm kơplah wah dua bơnah, sit biă ñu hơdôm tơring čar giăm guai, pơtrut pơbưp nao rai mơnuih ƀon sang tui jơlan hơdră sit nik hăng tŭ yua, sit biă ñu hluai hơdôm bruă mă mơng Jơnum giang mah.