Mơnuih Việt ƀơi dêh čar Prang ră anai hmâo rơbêh kơ 300.000 čô mơnuih, amăng anun năng ai ñu 50.000 čô mơnuih thâo hră hăng ha rơbâo čô mơnuih bơwih ƀong sĭ mơdrô. Khua dêh čar ta brơi thâo, tal nao čuă dêh čar Prang anai pơtŏng sit pran pơsit mơ̆ng Việt Nam ngă brơi tơlơi gum hrŏm abih bang Việt Nam – Prang jai nao dơlăm, sit nik hloh.

Amăng hơdôm mông mă bruă, Khua dêh čar ta rơkâo ƀing khua mua dêh čar Prang ngă gal brơi kơ mơnuih Việt Nam ƀơi Prang mut hrŏm klă amăng mơnuih mơnam ƀơi anai, djă pioh gru grua bôh thâo đưm hăng bôh pơhiăp pô, djru klă kơ bruă bơwih ƀong – mơnuih mơnam mơ̆ng Prang. Khua dêh čar ta rơkâo bơnah gah dêh čar Prang ngă gal brơi dong pioh mơnuih Việt mut hrŏm klă, djă pioh bôh pơhiăp Việt hăng gru grua bôh thâo đưm jing pô tô nao rai giăng mah kơplah wah dua bôh dêh čar. Khua dêh čar ta iâo pơthưr djop mơnuih ngă tui dong pran jua gum hrŏm hơbit, ư-ang djuai ania, djru klă amăng pơđĭ kyar mơ̆ng Việt Nam hăng pơhrua glăi pran khăp lŏn ia kơ rơnuk hlăk ai./.