Ƀơi mông bưp čơkă jum anun, Khua dêh čar ơi Phạm Minh Chính lăi pơtong, tơlơi kiăng tong ten mơ̆ng Việt Nam lăng kơ dêh čar Mi jing sa bơnah ngă hrŏm yôm, bơni kơ dêh čar Mi hơmâo dong yua Việt Nam sa boh dêh čar kjăp, rơngai, hrưn đĭ pô hăng hing ang tui, laih dơ̆ng rơkâo dêh čar Mi ăt pơtrut ngă tui lu hơdră ngă hrŏm rơđah rơđong tong ten.

Khua mir sir dêh čar Mi, ơi Joe Biden tŭ ư hăng Khua dêh čar ơi Phạm Minh Chính kơ hơdôm anăp či ngă bruă hrŏm dua bơnah, đing nao hơdôm bruă dua bơnah gleng nao hlâo hloh, amăng anun gah bruă ia jrao, pơhlôm tơlơi bơwih ƀong huă mơnuih mơnam, mă yua apui lơtrik, ia jâo hơdră pơđĭ kyar mơtah mơda, tui boh thâo ia rơgơi phrâo. Khua mir sir dêh čar Mi ơi Joe Biden rơkâo dua bơnah kơtưn ngă hrŏm pơkra ming sĭ mơdrô hrĕ añĕ pơkĕ yua apui lơtrik amăng măi mok juăt lăi bán dẫn kơnang kơ hơdră pơtô hrăm mơnuih mă bruă kơ Việt Nam, mơ̆ng anun djru Việt Nam ngă hrŏm lu hloh hăng jing pô pơtruh brơi yôm amăng bruă ba yua sĭ mơdrô gơnam hrĕ añĕ anai amăng kual hăng ƀơi rŏng lŏn tơnah.