VOV4.Jarai - Mơguah lơ 26/9, Khua dêh čar ơi Phạm Minh Chính git gai jơnum lăng nao rai mơng ataih đơ đam dêh čar kơ bruă pơtrut tañ jao prăk čan tuh pơ alin bruă čar hăng ngă tui 3 Jơlan hơdră tui hơnong pơkă dêh čar. (Hơmâo man pơdong plơi pla phrâo, Pơđĭ kyar bơwih ƀong huă-mơnuih mơnam kual mơnuih djuai ania ƀiă hăng kual čư̆ siăng kriang pơtâo, Pơhrŏ trun ƀun rin hơđong kjăp).

Khua dêh čar git gai mông jơnum

Khua dêh čar rơkâo, ƀing khua mua pơčrông sai ba tơbiă jơlan gah, hơdră bruă hăng bruă jao tong ten mơng anai truh rơnuč thun 2022 pơhlôm ngă tui tŭ yua, hơdeč hmar, lăp djơ̆ hăng tơlơi sit nik kiăng pơsir hĭ hơdôm tơlơi ngă tơnap tap, gun găn amăng bruă jao prăk čan tuh pơ alin bruă čar hăng ngă tui 3 Jơlan hơdră tui hơnong pơkă dêh čar. Ƀing khua mua kiăng pơlă nao rai hơdôm hơbô̆ bruă, hơdôm bruă ngă klă, pơčeh phrâo, hơdôm hơdră bruă lơ̆m pơphun ngă tui, git gai bruă mă, lăng glăi hơdôm tơlơi găn rơgao. Laih dong lăng yôm tơlơi glăm ba mơng ƀing apăn akŏ kiăng pơtrut jao prăk tuh pơ alin bruă čar hăng 3 Jơlan hơdră tui hơnong pơkă dêh čar.

Siu Đoan: Pơblang