Ƀơi mông jơnum, lu khua mua hmư̆ lăi pơthâo hlâo, hăng pơgôp hiăp pơblang tong ten, pơtong rơđah kơ boh tơhnal dưi ngă, hơdôm bruă aka dưi ngă, dŏ kơƀah hăng tơlơi tơnap tap, gun gan hlăk bưp laih anun lăi pơthâo hơdră, anăp mă bruă, tơlơi gơgrong ba pioh pơphun, pok pơhai tŭ yua amăng bruă pơtô pơblang pôr pơthâo jơlan hơdră kơnuk kơna pơ anăp anai. Pơhiăp git gai jơnum, Khua dêh čar ơi Phạm Minh Chính pơtrun hiăp, kiăng tŭ ư hrom tơlơi thâo hluh boh tŭ yua, tơlơi gơgrong, anŏ yôm, pran kơtang mơ̆ng bruă pôr pơthâo tơlơi pơhing jơlan hơdră kơnuk kơna.

Bruă ngă pơgiong, čih pơkra tơlơi phiăn, jơlan hơdră pôr pơthâo djop mơta tơlơi phiăn jơlan hơdră kơnuk kơna lĕ sa bruă mă yôm amăng bruă ngă tui wai lăng kơnuk kơna mơ̆ng djop ding jum, anom bruă, tơring čar. Khom pơđĭ tui tơlơi glăm ba djop bruă, djop anom bruă, mơnuih ngă khua apăn akŏ. Pơphun mơtam bruă mă brơi pơtô pơblang pôr pơthâo djop bruă mơ̆ng pô wai lăng, anom bruă, tơring čar, plơi pla anih mă bruă.