VOV4.Jarai-Mơguah lơ 27/9, Ơi Phạm Minh Chính Khua dêh čar git gai jơnum lăng nao rai amăng tivi hăng 8 boh tơring čar kual Tong krah hăng Dap Kơdư pơčrông sai bruă bong glăi kơthel tal 4. Pơhiăp git gai jơnum, Khua dêh čar ơi Phạm Minh Chính lăi rơđah, tui hăng lăng tui hlâo mơ̆ng djop sang bruă kơnuk kơna, kơthel tal 4 kơtang biă mă, rơbŭ pưh hăng hơjan hlim prong, pưh hmar. Tơdah prăp lui bruă pơgang tong ten, sit kơthel pưh rai pơ dêh čar ta ăt amra pơhlôm rơnuk rơnua mơ̆n.

Mông jơnum hăng abih bang

Hơdôm hrơi rơgao, lu tơring čar hơmâo pơtô brơi giăm 58 rơbâo boh ƀattô song nan pơprong hăng 300 rơbâo čô mơnuih dŏ mă bruă đuăi hyu ĕp anih kơđap rơnuk rơnua, akă kjăp hơdôm ƀattô jưyh laih pơ tơdrun, pơđuăi hĭ 4.500 boh rơkĭ, gruh jơnăng rông akan; pơkra hơdră amra pơdŭ đuăi rơbêh 100 rơbâo boh sang anŏ hăng giăm 400 rơbâo čô mơnuih ƀôn sang amăng anih hŭi rơhyưt. Khua dêh čar bơni kơ pran jua mă bruă mơ̆ng djop tơring čar, ƀôn prong, ƀing ding kơna git gai pơgang kơthel. Khua dêh čar pơtrun hiăp Khul git gai, djop ding jum, anom bruă, tơring čar anăm ngă amưng ôh, khom răng kơđiăng tong ten amăng djop mông ječ ameč truh.

Nay Jek: Pơblang