Khua dêh čar rơkâo, hơdôm boh ƀon lan kiăng lăng bruă tuh pơ alin man pơdong ƀơi ƀon lan lĕ tuh pơ alin brơi pơđĭ kyar, yua anun kiăng pioh hrơi mông git gai, pơbưp, pơtrut pơsur hơdôm anom bruă tuh pơ alin ngă klă. Hăng sa, dua akŏ bruă Ngŏ -Yŭ ƀơi sa, dua boh kual, ƀon lan kiăng pok pơhai tañ. Kơ jơlan Dak Nông-Bình Phước kiăng man pơkra tañ kiăng Dak Nông pơklaih mơng ƀun rin hăng Bình Phước hrưn đĭ pơdrong asah.

Kơ sa, dua bruă jao akŏ phun pơ anăp anai, Khua dêh čar lăi rơđah, kiăng pơgiong tañ hră pơ-ar; kah pha prăk kak; hơdeč hmar, bơkơnar, hơget gun găn rơkâo đĭ Khua pơ ala mơnuih ƀon sang dêh čar pơsir hĭ; hơdôm boh ƀon lan kiăng pơsir hĭ khut khăt bruă pơhrui glăi lŏn mơnai hăng pran jua pơ alum pran jua, pơsir hĭ hơdôm tơlơi tơnap tap mơng mơnuih ƀon sang. Khua apăn bruă Ping gah, Khua Jơnum min mơnuih ƀon sang tơring čar kiăng đing nao pơsir tơnap tap. Khua dêh čar rơkâo hơdôm boh ƀon lan gơgrong ƀiă dong amăng bruă anai, ngă gêh gal kiăng pơđĭ kyar, hrŏm hăng anun ngă klă bruă dưm dăp, kiăo tui lăng bruă mă yua lŏn mơnai hăng hơdôm bruă pơkŏn.