Tơdơi kơ hmư̆ tơlơi pơgôp hiăp amăng mông jơnum, Khua dêh čar ơi Phạm Minh Chính pơsit tong, tơlơi dưi mơng bruă pơgang klin Covid-19 lĕ tơlơi dưi mơng mơnuih ƀon sang, tui tơlơi git gai hmao tlôn mơng khua mua Ping gah Cộng sản Việt Nam, Khul apăn bruă gơnong glông, Ding jum kơđi čar, tơlơi črâo trun mơng khua git gai Ping gah dêh čar ơi Nguyễn Phú Trọng.

Kơ jơlan gah, bruă jao pơ anăp anai Khua dêh čar rơkâo, tŏ tui pơgiong hơdră bruă; pơsir hĭ tơnap tap, gun găn amăng bruă pơgang klin kheng amăng anun pơsir hĭ hơdôm anŏ aka ƀu klă, gun găn mơng phiah phiăn ră anai hăng pơjing črăn tơlơi phiăn ha amăng plĕ, djop mơta, lăp djơ̆, tui tơlơi rơkâo amăng pơgang klin kheng, sit biă ñu lĕ bruă blơi jrao, vaccine, gơnam măi mok gah ia hrao mă yua tui tơlơi kiăng, wŏt amăng hrơi mông kiăng ječ.